Palestinan dago gerra
ez da ikusten bukaera
Belenengo estalpe batean
jaio da ume xume bat
Cerveran abendu hila
elkartzen dira familiak
Pobre jaioko zitzaigun baina
umeak dauka zakila
Santiagon dago bero
garai honetan gauero
Jaio den haurra Jainkoa dugu
diote sano eta ero
Sarzanatik aize hotzak
gogor daude han bihotzak
"Jainkoak ar forma hartu badu
zakildunena da ahotsa"
San Pedron itsas behera
maskorrak dir dir kaietan
Mariak haurra babestu egin du
goxo-goxo bularretan
"Iritsiko al da ordua
kopla zaharren doinua
niri buruz abestu beharrean
abesteko ni moduan
Zu zara amaren haurra
berdin du eme ala arra
mundu guztiko haurtxo bakoitzak
antzeko ditu beharrak
Gertu izan dut Jainkoa
eta badut nik gogoa
gizaki matxista guztiei
esateko egi mordoa
Ez da aita, ez da ama
biak dugu bera baina
queerra dela esatearekin
gertuago, alajaina!
Nigandik duzu esnea
emakume bat naizena
nire gorputzeko uteroan
gaur arte izan duzu ohea
Ta jaiotzatik aurrera
zaintzan daudenen jarreraz
beste guraso izan ditzakezu
maitasun berbe berberaz
Naturaren magia naiz
zientzian naute ikasgai
Ekonomia barrua ere
nahi gaituzte izan salgai
Baina zu ta ni, maitia
argi daukagu bidia
ar eme, gizaki guztiontzat
bedi bizitza duina
Zu jainko ta ni jainkosa
batera dugu bihotza
taup taup ozen etzun dezakegu
boteretsuon hotsa
Goxo goxo abestia
entzun ezazu maitia
elkarrekin erein behar mundu
berri batentzat hazia"
No hay comentarios:
Publicar un comentario